Чек ара маселелери жергиликтүү элдин пикирлерин эске алуу менен чечилиши керек

Чек ара маселелери жергиликтүү элдин пикирлерин эске алуу менен чечилиши керек. Мындай оюн Президент Сооронбай Жээнбеков Баткен облусунун Лейлек району жана Сүлүктү шаарынын тургундары менен жолугушуусунда билдирди. Мамлекет башчысы акыркы жылдарда бул багытта тажик тарап менен сүйлөшүүлөр жандандырылып, активдешкенин айтты. Президент жашоочулар менен болгон жолугушууда Баткен облусунун жана чек арадагы Лейлек районунун маселелери өзгөчө орунда турарын, ошол эле маалда аймактын социалдык-экономикалык жактан өнүгүшүнө мамлекет тарабынан артыкчылык берилип, көңүл бурулуп жаткандыгына токтолуп өттү.