Чолпон-Атада кардиохирургия борбору ачылды

Чолпон-Ата шаарындагы “Ден соолук” медициналык-реабилитациялык комплексинде 20 орундуу Инновациялык кардиохирургия борбору толугу менен жабдылып, пайдаланууга берилди. Жүрөк хирургиясы жана органдарды алмаштыруу илим-изилдөө институтунун дарыгерлери жаңы бөлүмдө жүрөк кемтиги менен ооруган балага акысыз операция жасашты. Эске салсак, көп жылдан бери кароосуз калган реабилитациялык борборго мамлекет башчысы март айында барып, республиканын алыскы аймактарынан келген балдардын ден-соолугун калыбына келтирүү жана чыңдоого багытталган комплексти капиталдык реконструкциялоону тапшырган. Ушу тапта борбордун башка блокторунда да оңдоп-түзөө иштери кызуу жүрүүдө.