Дүйнөлүк маданияттын теңдеши жок адабий мурасы – “Манас” эпосунун күнү белгиленди

Мындан туура 25 жыл мурда, канчалаган улуу инсандарыбыз көксөп белгилей албай келген «Манас» эпосунун миң жылдык мааракеси дүйнөнү дүңгүрөтүп белгиленген. Бул күн кыргыз тарыхында өзгөчө орунду ээледи. Ал эми 2013-жылы Эпос ЮНЕСКОнун материалдык эмес маданий мурастарынын тизмесине катталган дал ушул 4-декабрь күнү да өзгөчө тарыхый дата катары бааланып, «Манас» эпосунун күнү деп аталып, майрамга айланды. Бул датаны утурлай аймактык кабарчыбыз манасчы Нурсултан Абдикеримов менен баарлашып кайтты.