Дистанттык окуу. Окуучулар теле аркылуу билим ала башташты

Бүгүнтөн тарта республиканын бардык региондорунда дистанттык окутуулар башталды. Билим берүү жана илим министрлиги ѳлкѳдѳгү убактылуу кырдаалды эске алып, 2019-2020-окуу жылынын IV чейрегин аралыктан жүргүзүү чечимин чыгарган. Министрдин орун басары Надира Жусупбекова ведомстводо дистанттык форматта билим берүү тобу уюштурулганын айтып, көйгөйлөрдү чечүүгө көмөк көрсөтөөрүн билдирди.