Экокарта экологиялык маселелерди чечүүдө жардам берет

Соңку жылдары Бишкекте абанын булганышы нормадан бир нече эсе жогорулап кеткенин экологдор байма-бай айтып келишет. Суук түшөрү менен шаарды түтүн каптап, абанын кескин булганып кеткени жашоочуларды бир топ кабатырлантат. Абанын булганышына ЖЭБ, жылуулук системалары жана ишканалардан бөлүп чыгарылган түтүндөр, эски унаалардан чыгып жаткан уулу заттар себеп болууда. Экологдор мындай көйгөйдү чечүү үчүн Кыргызстандын электрондук экологиялык картасын түзүп чыгышты. Анда өлкөнүн бардык аймактарындагы экологиялык көйгөйлөр жөнүндө маалыматтар камтылган.