Эркин Асрандиев: «Ачык айтайын, бекер акча берип, салыктан толук бошото албайбыз»

Бүгүнкү күндө болуп жаткан акыркы кырдаалга байланыштуу ишкер субъектилерин текшерүүгө киргизилген мораторийдин мөөнөтү дагы бир жылга жылдырылды. Бул тууралуу маалымат жыйынында вице-премьер-министр Эркин Асрандиев билдирди. «Бирок өкмөт башка өнүккөн өлкөлөрдөй салык төлөмдөрүнөн толугу менен бошотуп же кайтарымсыз негизде насыя бере албайт. Бюджет ишкерлерге мындай мүмкүнчүлүктү түзүп берүү үчүн жетишсиз» деди ал. Дүйнө жүзүндө болуп жаткан мындай кырдаалда дагы кандай жеңилдиктер берилет?