Финансы рыногун жөнгө салуу жана көзөмөлдөө мамлекеттик кызматынын алгачкы энциклопедиясы жарык көрдү

Экономика жана финансы министрлигине караштуу Финансы рыногун жөнгө салуу жана көзөмөлдөө мамлекеттик кызматынын алгачкы Энциклопедиясы жарык көрдү. Мамлекеттик жана расмий тилде басылып чыккан энциклопедияда Кыргызстандын финансылык рыногунун калыптанышы тууралуу бирдиктүү маалымат, кызматтын өнүгүү тарыхы, учурдагы ишмердүүлүгү жана стратегиялык пландары камтылган. Андан сырткары ата мекендик финансы рыногунун түзүлүшүнө жана өнүгүшүнө салым кошкон экономисттердин эмгек жолдору чагылдырылган.