Ишине кайдыгер мамиле жасаган жетекчилер кызматтан алынат

Коорупцияга каршы күрөшүү улантылат. Массалык маалымат каражаттары, жарандык сектор колдоп жатышат, мындай колдоо менен күрөш күчөтүлөт. Бул тууралуу Президент Сооронбай Жээнбеков Коопсуздук кеңешинин кезектеги жыйынында билдирди. Мамлекет башчысы кеңештин 2018-2019-жылдары кабыл алынган бардык чечимдери коррупцияга каршы күрөшүүгө багытталганын эске салды. Мамлекет башчысы буга чейин кабыл алынган чечимдер тиешелүү деңгээлде аткарылбай жатканын айтып, ишине кайдыгер мамиле жасаган жетекчилерге катуу чаралар көрүлүп, кызматтан алынарын эскертти. Ал Коопсуздук кеңештин жыйналышында кайсы маселе карала турганы маалым болгондон кийин гана мамлекеттик органдар активдешип, айрым иш-чаралар аткарыла баштаганын айтты. Коопсуздук кеңеши Экологиялык жана техникалык коопсуздук боюнча мамлекеттик инспекциясынын башчысы Жолдошбек Жунушевди кызматынан бошотуу, 4 жетекчиге сөгүш берүү жана 30 аткаминерди тартиптик жазага тартууну сунуштады.