Эми IT адиси болууну каалаган студенттер акысыз билим ала алышат. Бүгүн, борбор калаада IT тармагы боюнча акысыз окута турган жаңы борбор ачылды. Каалочулардын баардыгына эшик ачык. Ошондой эле, окууну ийгиликтүү аяктаган адистерди жумуш орду менен камсыздоо да каралган. Борбордун ачылышына Маалыматтык технологиялар жана байланыш мамлекеттик комитетинин төрагасы Дастан Догоев да катышты.