«Көчөдөн» даңгыр жолго… Мурза Гапаровдун 85 жылдык мааракеси белгиленди

Кыргыз Республикасынын эл жазуучусу, драматург Мурза Гапаровдун көзү тирүү болгонунда быйыл 85 жашка толмок. 18-мартта Алыкул Осмонов атындагы Улуттук китепканасында мааракеге байланыштуу “Өлбөстүккө айланган талант” аттуу китеп-сүрөт көргөзмөсү уюштурулду. Анда Мурза Гапаровго таандык көптөгөн чыгармалар, аңгеме жана повесттер жыйнагы коюлган. Эскерүү кече жазуучунун калемдештеринин, маданият өкүлдөрүнүн жана белгилүү жазуучулардын башын бириктирди.