Кадрларды аттестациялоо системасы өркүндөтүлөт

Жогорку аттестациялык комиссиясы мындан ары “улуттук” деген макамды алып жүрөт. Мурда бул комиссия Билим берүү жана илим министрлигине карачу. Өлкө башчысы Садыр Жапаровдун жарлыгы менен, Президентке караштуу Улуттук аттестациялык комиссиясы болуп өзгөртүлдү. Кыргызстанда 28 жылдан бери иштеп келе жаткан комиссия, илимдин кандидаттарына жана илимдин докторлоруна окумуштуулук даражаларын ыйгарчу жападан-жалгыз орган. Президенттин карамагына өтүшү жоопкерчиликти жана көзөмөлдү күчөтүп, окумуштуулардын сапатын жогорулатканга шарт түзөбү?