Калаанын экологиялык абалын жакшыртуу максатында муниципалдык унаалар газга өткөрүлө баштады

Абанын булганышынын башкы себеби катары унаалардын көптүгүн, жылуулук электр борборун, көмүр жаккан конуштарды айтсак болот. Калаанын экологиялык абалын жакшыртуу боюнча тынымсыз аракеттер көрүлүп, атайын план дагы кабыл алынган. Анда муниципалдык автоунааларды газга өткөрүү каралган. Ага ылайык, коомдук унаалар газ менен жүрүүгө өткөрүлүүдө. Учурда Бишкек шаардык мэрия тарабынан 70 автобус газга өттү. Мындан тышкары 22 маршруттук такси дагы газ менен жүрүүдө.