Калаанын экологиялык көйгөйү качан чечилет?

Өткөн жылы Бишкектин дүң продукциясы өлкө аймагынын ички дүң продукциясынын 40 пайызын түздү. Мындай маалыматтар бүгүн мэриянын 2019-жылдагы аткарган ишинин жыйынтыгы чыгарылган коллегиянын отурумунда маалымданды. Жыйынга биринчи вице-премьер-министр Кубатбек Боронов, калаа мэри Азиз Суракматов, Бишкек шаардык кеңешинин төрагасы Жаныбек Абиров жана башкалар катышып, бир катар орчундуу маселелер көтөрүлдү.