КАРА-ЖЫГАЧТА ЖАҢЫ БАЛА БАКЧА АЧЫЛДЫ

Бишкек шаарынын Кара-Жыгач конушунда жаңы бала бакча бөбөктөргө эшигин ачты. Мектепке чейинки билим берүү мекемесинин ачылышына калаа бийлиги, жергиликтүү тургундар жана бөбөктөр катышты. Конуштун түптөлгөнүнө дээрлик чейрек кылымдай убакыт өтсө дагы буга чейин бакча куруу көйгөйү чечилбей келген. Башка жактагы балдар бакчасына ташып, убара тартып келген ата-энелердин кубанычын биздин чыгармачыл топ дагы тең бөлүшүп келди.