Өкмөт шайлоого даярдыктарды көрүүдө санитардык эрежелерди катуу сактоого чакырат

Кыргызстанда эпидемиологиялык кырдаал турукташса, экинчи чейректе мектептер толук кандуу иштеп башташы мүмкүн. Бул тууралуу премьер-министр Кубатбек Боронов брифинг учурунда билдирди. Анын айтымында, окуу жылынын башталышы менен коомдук унаанын иштөө графиги кайра каралып чыгат. Ошондой эле өкмөт башчы өлкөдөгү айрым райондордо абал дагы эле курч болуп жаткандыктан шайлоону пандемия учурунда өткөрүүдө саясий партиялардын жоопкерчилиги жогору болушу зарыл экендигин белгиледи.