Колду таза жууп, кайсы оорулардын алдын алабыз?

Таза колдор бүткүл дүйнөлүк күнү. Бул дата 2008-жылы БУУнун Башкы ассамблеясынын Санитар жылы жарыяланганда кабыл алынган. ЮНИСЕФтин маалыматтарына таянсак, жылына дүйнө жүзүндө кир колдор аркылуу жугузган инфекциялардан улам 1 млн 500 миңдей бала көз жумат. Мичиган университетинин окумуштуулары далилдегендей, жер шарындагы калктын 5 %ы гана колду туура жууйт. Колдун 1 чарчы сантиметринде эле бир жарым миң микроб жашап, организмге кирип кетүү коркунучун жаратат. Адистердин пикиринде, колду таза алып жүрүү ичеги-карын ооруларын 50-60%га жана сасык тумоо ооруларын 25%га дейре азайтат. Жарандардын жеке гигиена эрежелерине көңүл буруусу канчалык маанилүү?