Коменданттык сааттын эрежелерин бузгандардын санын азайтуу үчүн күчөтүлгөн чаралар көрүлөт

Коменданттык сааттын эрежелерин бузгандардын санын азайтуу үчүн күчөтүлгөн чаралар көрүлөт. Бишкек шаарында күн сайын тартип бузгандар 100дөн ашып жатат. Бул тууралуу комендант Алмазбек Орозалиев билдирди. Ал онлайн маалымат жыйынында ар бир эреже бузган жаран мыйзам чегинде жоопкерчиликке тартылаарын кайталап, күчөтүлгөн чара көрүлөөрүн дагы бир ирет эскертти. Себеби, борбор калаага өзгөчө абал киргизилгенден бери миңге чукул жаран коменданттык сааттын тартиптерин бузган.