Кооперативдерди түзүү экономиканы өнүктүрүүгө өбөлгө болот, — экономист К.Идинов

Эксперттердин айтымында, айыл чарба тармагында кооперативдерди, логистикалык борборлорду, кластердик ыкмаларды киргизүү менен өлкөнүн экономикасын өнүктүрүүгө болот. Кыргызстан эң көп керектелүүчү 9 продуктунун ичинен өзүн өзү үч азык менен гана камсыз кыла алат. Калганын сырттан алып келүүгө туура келет. Эксперттер, тескерисинче, экспортту көбөйтүү зарыл деген ойдо. Садыр Жапаров агроөнөр жай комплексин өнүктүрүү боюнча чаралар жөнүндө жарлыкка кол койду. Анда өздөштүрүлбөгөн жана асылдуулугу төмөн жерлерди, жайыттарды натыйжалуу пайдалануу, айыл чарбасына санариптик технологияларды киргизүү сыяктуу бир топ маселелер камтылган.