Коронавирус 100 адамдан аныкталды

Кыргызстанда коронавирус жуктургандардын катары калыңдап, өзгөчө борбор калаада кырдаал курч бойдон калууда. Соңку сутка ичинде илдет 100 адамдан табылып, анын көпчүлүк бөлүгү Бишкек шаарында катталган. Ошондой эле илдет Баткен облусунан башка бардык дубандардын жарандарынан да аныкталган. Өлкөдөгү эпидемиологиялык абал тууралуу маалымат берген башкы дарыгер Нурболот Үсөнбаев 100 учур -бул Кыргызстанда коронавирус алгач катталгандан берки эң жогорку көрсөткүч экенин айтып, коомчулукту санитардык талаптарды так сактоого чакырды.