Коронавирус: Жүргүнчүлөр учактын ичинен эле текшериле баштады

“Манас” жана “Ош” эл аралык аэропортторунда Кыргызстанга учуп келген жүргүнчүлөрдү текшерүү күчөтүлдү. Буга ылайык, жарандар алгач борттун ичинен медициналык кароодон өтүп жатышат. Ар бир учуп келген жүргүнчү учактын ичинен атайын анкета толтурат. Анда жүргүнчүнүн кайсы мамлекеттен келе жаткандыгы тууралуу маалымат көрсөтүлөт. Эгер учакта Түштүк Корея, Япония, Кытай, Италия жана Иран мамлекеттеринен келген жарандар бар болсо, алар милдеттүү түрдө 14 күнгө карантинге алынат.