Коронавируска каршы күрөшкөндөр сыйланат

Президент Сооронбай Жээнбеков коронавирус инфекциясы менен күрөшүүдө көрсөткөн кайратман жана ак ниет эмгеги, туруктуулугу жана чыдамкайлыгы, жарандык милдетине берилгендиги, адам өмүрүн сактоо ишиндеги кесипкөйлүгү үчүн «Кыргыз Республикасынын мамлекеттик сыйлыктары менен сыйлоо жөнүндө» Жарлыкка кол койду. Анда пандемия учурунда тыным албай иштегендер «Даңк» медалы, Кыргыз Республикасынын Ардак грамотасы менен сыйланышат жана дарыгерлерге «Эмгек сиңирген дарыгер» наамы ыйгарылат.