Коронавирустан коргонуу: Абалды текшерип туруу үчүн күнү-түнү иштеген ыкчам штаб ачылды

Коопсуздук кеңешинин катчысы Дамир Сагынбаев Президент Сооронбай Жээнбековдун тапшырмасы менен «Манас» эл аралык аэропортуна жана «Ак-Жол» көзөмөл-өткөрүү пунктуна барып, илдетти алдын алуу жана аныктоо иштери менен таанышты. Азыркы тапта абалды текшерип туруу үчүн күнү-түнү иштеген ыкчам штаб ачылып, анда өлкөгө кирген жарандардын абалы тууралуу ар бир көзөмөл пунктунан саат сайын маалымат берилип жатат.