Кыргыз-Өзбек өнүктүрүү фонду түзүлөт

Мамлекет башчысы Садыр Жапаров Өзбекстанга болгон мамлекеттик сапарынын алкагында Өзбекстандын Президенти Шавкат Мирзиёев менен жолугушту. Өлкө башчылары чакан жана кеңейтилген форматта сүйлөшүүлөрдү жүргүзүп, кыргыз-өзбек эки жана көп тараптуу кызматташтыгынын актуалдуу маселелерин, азыркы абалы менен келечегин, натыйжалуу өз ара байланыштарды мындан ары өнүктүрүү чараларын талкуулашты. Сүйлөшүүлөрдүн жыйынтыгында президенттер биргелешкен билдирүү жасап, эки тараптуу кызматташууну өнүктүрүүгө багытталган 22 документке кол коюшту.