“Кыргыз жараны” концепциясы көп улуттуу калктын биримдигин бекемдейт

Бүгүнкү күндө Кыргызстанда 100дөн ашык этнос ынтымактуу, биримдикте күн кечирип келишет. Көп улуттуу калктын биримдигин бекемдөө максатында, Президенттин жарлыгы чыккан. Ага ылайык, 2021-2026-жылдарга өлкөдө “Кыргыз Жараны” концепциясы бекитилген. Учурда “Эл биримдиги көп түрдүүлүктө” долбоору боюнча аймактарда кеңири талкуулар уюштурулууда. Бул ирет иш-чара ондогон этностордун башын бириктирген Чүй облусунун Токмок шаарында болуп өтту.