Кыргызстан суу ресурстарынын 20%ын гана керектөө үчүн пайдаланат

Калкты таза суу менен камсыздоо Кыргызстандын негизги көйгөйлөрүнүн бири бойдон калууда. Ичүүчү суу менен камсыздоо жана саркынды сууларды чыгаруу департаментинин маалыматы боюнча, өлкөнүн 300дөн ашык айылында суу түтүктөрү такыр болгон эмес. Ал эми 600гө жакын айылда суу түтүктөрүнүн эскилиги жетип же суунун үзгүлтүккө учурашынан улам таза суу жок. Ушул маселелерди жөнгө салуу үчүн бүгүн мамлекеттик органдардын мүчөлөрү, Өкмөттүн аймактардагы ыйгарым укуктуу өкүлдөрү, жергиликтүү өз алдынча башкаруу жана чет элдик уюмдардын кызматкерлери чогулушту.