Дүйнөдө антибиотиктерди туура пайдалануу жумалыгы башталды. Буга байланыштуу бүгүн борбор калаада “бирдиктүү ден соолук” аталышындагы семинар өтүп, анда антибиотиктер кандай учурда колдонула тургандыгы тууралуу кеп болду. Окумуштуу Александр Флеминг адамзаттын тарыхында алгачкы антибиотик — пенницилинди ойлоп тапкандан бери бир кылымга жакын убакыт өттү. Эми бир дагы илдет мурдагыдай коркунуч алып келе албайт. Бирок бардык ооруга эле бул дарыны иче берүүгө болбой турганын дарыгерлер айтып келишет.