Кыргызстандыктар чет өлкөгө чыгардын алдында өмүрүн камсыздандыруусу зарыл

Кыргызстандыктар чет өлкөгө чыгардын алдында өмүрүн камсыздандыруусу зарыл. Мындай сунуш диаспора өкүлдөрү менен тармактык адистер катышкан талкуу учурунда айтылды. Бүгүнкү күндө Мамлекеттик миграция кызматы бул багытта мыйзам долбоорун даярдап, коомчулуктун пикирин эске алуунун үстүндө иш жүргүзүүдө. Мигранттардын арасында мекендештердин сөөгүн жеткирүү бир катар түйшүктөргө кептеп, көйгөйлөрдү жаратары айтылып келгени белгилүү. Былтыр чет жактан көз жумган 300гө чукул мекендешибиздин сөөгү жүк 200 менен алып келинген. Камсыздандыруу маселеси мыйзамдуу түрдө ишке ашса, камсыздандырылган жаран каза тапса келишимдин талаптарына жараша акча төлөнүп берилет.