Өлкөдө беш миңден ашуун адам кургук учук оорусу менен жабыркайт

2000-жылдары өлкөдө кургак учук оорусуна чалдыккандардын саны 100 миң калктын санына 168 адам туура келген. Ал эми бул көрсөткүч 2018-жылы 83кө азайган. Башкача айтканда, 2 эсеге кыскарган. Бүгүнкү күндө өлкөдө 5 миң 200дөн ашуун адам кургук учук оорусу менен жабыркайт. Кургак учук оорусунун алдын алуу жана болтурбоо максатында Саламаттыкты сактоо министрлиги көптөгөн эл аралык уюмдар менен биргеликте бир топ алгылыктуу иш аракеттерди жүргүзүп келет. Айтсак, министрлик USAID эл аралык уюму менен “Кургак учукту айыктыруу” долбоорун иштеп чыкты. Аталган долбоор 18 млн АКШ долларын камтып, толугу менен USAID эл аралык уюму тарабынан каржыланат.