Мал чарбачылыгына экспортко тыюу салуу: кесепеттери жана кылмышкерлер

19-ноябрда Айыл чарба, тамак-аш өнөр жайы жана мелиорация министрлиги бодо малды жана бир катар азыкты-түлүктү чет өлкөгө экспорттоого убактылуу тыюу салган. Буга карабай мыйзам бузуу фактылары катталууда. 3-декабрь күнү Жалал-Абад облусунун Аксы районундагы кыргыз-өзбек чек арасынан 3 бодо малын Өзбекстанга алып чыгып сатууга аракет көргөн Кыргызстандын жараны кармалган. Мыйзам бузуу фактысы боюнча материалдар, тиешелүү органга өткөрүлүп берилген. Социалдык маанилүү товарларды сыртка экспорттоого тыюу салуу боюнча токтом күчүнө кирген күндөн бери мамлекеттик чек ара кызматы жана башка кызматтар кайтарууну күчөткөн. Бул багытта кандай иштер жүрүп жатат?