Мамлекетке пайда алып келбеген ишканалар жана заводдор көп

Мамлекеттик мүлк фондуна караштуу бардык ишканалар жана заводдордун тизмелери түзүлүп, алардын абалы менен таанышуу иштери жүрүүдө. Бүгүнкү күндө аталган фондго 104 мамлекеттик ишкана, 65 чарбалык коом карайт. Алардын айрымдары гана мамлекетке пайда алып келсе, көбү карызга батып банкрот болуу абалында турат. Өлкө башчысы жакында эле тиешелүү кызматтарга пайдасы жок мамлекеттик ишканаларды аныктап, аларды жеке менчикке өткөрүү, сатуу же башка өнүктүрүү жолдорун издөө тапшырмасын берген.