Мамлекеттик камсыздандыруу уюму 525 жаранга жалпы 41 млн сом кайтарымсыз акча төлөп берди

Мамлекеттик камсыздандыруу уюму 2017-жылдан бери 525 жаранга кайтарымсыз кенемте төлөп берди. Турак жайды өрттөн жана табигый кырсыктардан милдеттүү камсыздандырууда айыл жергесинде жашагандар жылына 600 сомдон, ал эми шаардагы үй ээлери 1200 сомдон төлөп турушат. Келишимдин мөөнөтү бир жылга түзүлөт. Жыл аягында техникалык паспорт менен үй ээсинин өздүк документинин негизинде келишимдин мөөнөтү дагы бир жылга узартылат.