Милициянын кайгуул кызматына иштөөнү каалагандардын басымдуу бөлүгү жөнөкөй жарандар

Ош шаарындагы милициянын кайгуул кызматына иштөөнү каалагандардын басымдуу бөлүгү мурда ички иштер органдарында иштебегендер экени белгилүү болду. Өткөн жылдын октябрь айынан баштап ички иштер органдарын реформалоонун алкагында Бишкек шаарында кайгуул милициясы түзүлүп өз ишин баштаган. Бул убакыт аралыгында кайгуул кызматы көптөгөн кылмыштарды изи сууй элек кезинде бетин ачууга жетишип, жакшы жыйынтыктарды көрсөтө алган. Ошонун негизинде жакынкы айларда Ош шаарында милициянын кайгуул кызматы ишке киргени турат.