Мурдагы мэрлердин соту: Ибраимов 15 жылга кесилип, Кулматов сот залынан бошотулду

Бишкектин Ленин райондук сотунда мурдагы мэрлерге өкүм чыгып, анда Албек Ибраимов 15 жылга кесилсе, Кубанычбек Кулматовго 5 миллион сом айып салынып, абактан бошотулду. Өкүмдү судья Кубанычбек Касымбеков окуп берди. Ал эми булар менен катар айыпталып жаткан 11 жаранга айып пул салынып, алар да сот залынан кое берилди.