«НАРИСТЕ» ЭЛ АРАЛЫК ФОЛЬКЛОРДУК ФЕСТИВАЛЫ БАШТАЛДЫ

Бүгүн Бишкекте балдардын экинчи эл аралык «Наристе» фольклордук фестивалы старт алып, ага Президент Садыр Жапаров да катышты. Параддык жүрүш менен башталган иш-чарага жети дубандан жана чет өлкөлөрдөн келишкен 3 миңден ашык бала катышты. Кыргызстандын салттуу элдик маданиятын сактоо, өнүктүрүү жана башка өлкөлөрдүн элдик искусствосу менен тааныштыруу максатын көздөгөн фестивалда түрдүү мастер-класстар, ачык асман алдындагы сабактар өтүп, ар кандай чыгармачылык кечелер, көргөзмөлөр уюштурулган.