Октябрь айынын соңуна чейин мэрияга караштуу 23 от казан газга алмашат

Бүгүнкү күндө борбор калаада 66 откана шаар тургундарын жылуулук жана ысык суу менен камсыздап келет. Анын 43ү жаратылыш газы менен жылытса, 23ү көмүр менен жылытат. 27-январда калаа мэриясы жана “Газпром Кыргызстан” компаниясынын ортосунда кызматашуу тууралуу меморандумга кол коюлду. Тараптардын кызматташуу долбоорунда “Бишкекжылуулук” коммуналдык ишканасынын социалдык объекттеринин жылытуу системаларын жаратылыш газына которуу камтылган. Келишим 3 баскыч менен ишке ашат. Октябрь айынын соңуна чейин 23 откананын бардыгы газ менен жылытууга өткөрүлөт.