Быйыл Кыргызстанда мамлекеттик ишмер Турдакун Усубалиевдин 100 жылдыгы белгиленүүдө. Мунун алкагында мамлекетти чейрек кылым башкарган улуу инсандын өмүрүнө, ишмердүүлүгүнө байланыштуу ар кыл иш-чаралар өтүп жатат. Бүгүн Калый Молдобасанов атындагы улуттук консерваторияда Осмонакун Ибраимовдун «Турдакун Усубалиев: өмүрү жана тагдыры” аттуу китебинин бет ачар аземи өттү. Ага Усубалиевдин үй-бүлө мүчөлөрү, туугандары, замандаштары жана президенттик аппараттын өкүлдөрү, Жогорку Кеңештин депутаттары, белгилүү коомдук жана мамлекеттик ишмерлер катышты.