Пандемияга байланыштуу 2800дөн ашык коомдук транспорт текшерилди

Кыргызстанда пандемия учурунда 2 миң 800дөн ашык коомдук транспорт санитардык эрежелердин сакталышы боюнча текшерүүдөн өттү. Текшерүүлөрдүн негизинде айдоочуларга 100 миң сомго жакын көлөмдө айып пул салынган. Транспорт министрлиги башка министрликтер менен биргеликте борбордогу коомдук унааларды жана региондор аралык каттаган коомдук тарнспорттордогу санитардык-эпидемиологиялык эрежелердин сакталышын текшерүүнү улантууда. Айрым жүргүнчүлөр белгиленген эрежелерди сактабай жаткандыгы белгилүү. Ошол себептүү айдоочуларга айып пулдар салынууда.