Токтогул Сатылганов атындагы Кыргыз улуттук филармониясынын чоң залында салтка айланган Президенттик балаты өттү. Ага мамлекет башчысы Сооронбай Жээнбеков жубайы Айгүл Токоева менен чогу келди. Жаңы жылдык кечеге бардык облустардан мектеп курагындагы 1100 бала чакырылган. Алардын арасында – окуунун мыктылары, олимпиадалардын, эл аралык сынактардын жана мелдештердин жеңүүчүлөрү, балдар үйлөрүнүн тарбиялануучулары, ден соолугунан мүмкүнчүлүктөрү чектелген балдар бар. Президент Сооронбай Жээнбеков балдарга жаңы жылдык белектерди тапшырса, өз кезегинде балдар мамлекет башчысына роботту тартуулашты.