ПРОТОКОЛ ЧЕК АРАДА ЧЫР-ЧАТАКТЫ БОЛТУРБООНУ КӨЗДӨЙТ

Кыргызстан менен Тажикстандын тиешелүү органдарынын жетекчилери кол койгон 42-протоколдо эч кандай жер алмашуу жөнүндө сөз жок. Бул тууралуу Кыргызстандын Куралдуу күчтөрүнүн ардагерлери жана эксперттер пикирлерин билдирип, жарандарды чагымчылдыкка алдырбоого чакырат. Документте айтылган эки тараптан тең алынган чек ара посттору жана тозоттору жаңы конфликттерди болтурбоо максатын көздөйт. Ошондой эле делимитация жана демаркация иштери боюнча сүйлөшүүлөргө коопсуз абалды түзүп турат дешет адистер.