Референдум өткөрүү боюнча ЖК кабыл алган чечим негиздүүбү ?

Жогорку Кеңеш референдум өткөрүү боюнча мыйзам долбоорун үч окууда кабыл алды. Буга ылайык, референдумду 10-январда кезексиз президенттик шайлоо менен бир күндө өткөрүү сунушталууда. Анда Кыргызстандыктар башкаруу формасын — президенттик же парламенттик деп тандоолору тийиш. Эгерде эки вариант тең жарандын купулуна толбосо баарына каршы да добуш бере алат. Мыйзам долбоорунун автору парламенттин депутаты Акылбек Жапаров белгилегендей, документ бардык экспертизалардан өтүп, анын акыркы вариантын түзүүдө депутаттардын дагы, юрист эксперттердин дагы бардык сунуштары эске алынган.