Республика боюнча 2106 мектеп интернет менен камсыздалды

Соңку жылдары билим берүү тармагына мамлекет тарабынан олуттуу көңүл бурулуп жатканын байкаса болот. Тармакка жыл сайын республикалык бюджеттен сезилээрлик каражаттар бөлүнүп, билим берүү мекемелериндеги башкаруу системалар санариптештирилүүдө. Өткөн жылы өлкө аймагындагы мектептердин 99 пайызы интернетке туташтырылган. (2)Бул көрсөткүч 2018-жылы 67 гана пайызды түзгөн. Быйыл алыскы тоолуу аймактарда жайгашкан дагы 31 мектеп интернетке туташтырылат.