Садыр Жапаров: “Күчтүү мамлекетти калыптандыруу үчүн өлкөнүн мыйзамы күчтүү болушу керек”

Кыргызстанда 30 жыл аралыгында биринчи жолу Баш мыйзамдын жаңы долбоору юристтердин, коомдук ишмерлердин, адистердин жана элдин оюн эске алуу менен даярдалды. Мындай пикирин Садыр Жапаров мекендештерге кайрылып жатып билдирди. Атуулдук милдетин аткарып, Бишкек шаардык кеңешин шайлоодо жана Конституция боюнча референдумда добушун берген мамлекет башчысы: «Бүгүнкү өнөктүк административдик ресурстар колдонулбастан, адилеттүү, калыс өткөрүлүшү керек” деген пикирин айтты.