Садыр Жапаров судьяларды таза жана акыйкат иштөөгө чакырды

Сот бийлигинин акыйкатуулугу -көз канадысыз, күчтүү өлкөнүн кепилдиги. Ар бир судьянын чечими — мыйзамдуулуктун күзгүсү болушу керек. Бул тууралуу Президент Садыр Жапаров 5-март Кыргызстандын сот тутумунун кызматкерлеринин күнү менен куттуктап жатып айтты. Ал судьяларды мыйзамды туу тутуп, таза жана акыйкат иштөөгө чакырып, мындан ары бийлик түзүмдөрүнөн судьяларга эч ким эч кандай көрсөтмө бербестигине кепилдик берди. Бул күндүн урматына “Ала Арча” мамлекеттик резиденциясында аймактардын жер-жерлеринен сот кызматкери келишкен.