Садыр Жапаровдун Өзбекстанга болгон мамлекеттик сапары жыйынтыкталды

Президент мамлекеттик сапарынын экинчи күнүндө Өзбекстан парламентинин жетекчилери менен жолугушту. Ошону менен катар мамлекет башчысы коңшу өлкөнүн Премьер-министри менен жогорку деңгээлдеги сүйлөшүүлөрдүн жыйынтыгында жетишилген бардык келишимдерди ишке ашыруу даярдыктарын талкуулады. Мындан сырткары Садыр Жапаров жана Шавкат Мирзиёев «Куксарой» резиденциясындагы Ардактуу меймандар аллеясына бак отургузушуп, Ташкенттеги «Яшнабад» инновациялык технопаркына баш багышты.