Салык процедураларын фискалдаштыруу учурдун талабы

Инвесторлорду колдоо, аларга көмөк көрсөтүү менен өлкөнүн экономикасын көтөрүүгө мүмкүн. Ал үчүн аларга ыңгайлуу шарттар түзүлүшү керек. Салыкты ачык төлөп иштеп жаткандарды улам текшере бербей, көмүскө иш алып барып жаткандар менен күрөшүү абзел. Ошондой эле салык процедураларын фискалдаштырууну тездетүү керек. Бул жөнүндө Премьер-министр Мухаммедкалый Абылгазиев бүгүн Мамлекеттик салык кызматынын 2019-жылдагы иштеринин жыйынтыгын чыгарган отурумунда билдирди.