Санариптештирүү Лебединовканын тургундарынын жашоосун жеңилдетти

Президенттин өлкөнү санариптештирүү, аймактарды өнүктүрүү жана балдарды колдоо тапшырмасынын алкагында Лебединовка айыл өкмөтүндө бирдиктүү терезе кызматы иштей баштаган. Анда жарандарга паспорт берүү, нике күбөлүгү, жашагандыгы тууралуу маалымкат, арыздарды кабыл алуу, өлгөндүгү тууралуу күбөлүк берүү жана башка кызматтар көрсөтүлүүдө. Андан сырткары, айыл өкмөттүн имаратында салык кызматына декларацияларды электрондук түрдө тапшыруу иштери жүрүп жатат.