Санитардык нормаларды сакта! Бишкек мэриясы рейддик иш-чараларын жандантты

Кыргызстанда КОВИД-19 жуктургандардын саны 85 миңге жетти. Соңку суткада жугуштуу илдет дагы 88 адамдан аныкталып, 2 бейтап көз жумду. Ооруну жуктургандардын көпчүлүгү Бишкек шаарында катталууда. Мындан улам, калаа мэриясы санитардык нормаларды сактоо боюнча коомдук транспорттордо рейддик иш-чараларын жандантты. Бүгүн Свердлов району боюнча мобилдик топ, автобус,троллейбус жана маршруттук таксилердеги санитардык эрежелердин сакталышын текшерүүгө алды.