Санитардык талаптарды сактоо боюнча рейддик иш-чаралар өткөрүлүүдө

Өзгөчө кырдаал режими уланып, карантин сакталган борбор калаада ишин жанданткан объектилерге санитардык талаптарды так сактоо тапшырмасы коюлган. Жергиликтүү бийлик, милиция жана медицина кызматкерлеринен куралган мобилдик топтор күн сайын рейд өткөрүп, убактылуу киргизилген эрежелердин сакталышын көзөмөлдөп жатышат. Бул ирет текшерүү иштери Октябрь районунда жүргүзүлүп, ишин баштоого уруксат берилген жайларда санитардык талаптардын аткарылышы каралып, айрымдары алкышка татыса, кээ бирлерине эскертүүлөр берилди.