Серепчи: Өлкөнү башкарууда улуттук өзгөчөлүктөр эске алынышы керек

Кыргызстандын башкаруу түзүлүшү, идеологиясы, экономикасы — бардык тармагы улуттук өзгөчөлүктү эске алуу менен калыптанышы керек. Мындай пикирин «Кыргыз жолу» коомдук бирикмесинин төрагасы Кадыр Кошалиев билдирди. Ал ошондо гана жаңылуулар аз болуп, өлкө өнүгүүгө бет аларын айтат. Эске салсак, Баш мыйзамдын жаңы долбоору Жогорку Кеңештин биринчи окуусунан өтүп, дагы эки окууда каралмакчы. Эгер 3 окууда тең колдоо тапса, президентке кол коюуга жөнөтүлүп, 11-апрелде жалпы элдик референдум өтөт.