Сот жана укук коргоо ишин өркүндөтүү боюнча жаңы кеңеш түзүлдү

Кыргызстандын президентине караштуу Сот жана укук коргоо ишин өркүндөтүү маселелери боюнча жаңы кеңеш түзүлдү. Тийиштүү жарлыкка мамлекет башчысы Садыр Жапаров кол койду. Бул орган сот жана укук коргоо ишине, анын ичинде аткаруу өндүрүшүнө жана жазык-аткаруу системасына тиешелүү ченемдик укуктук актыларды өркүндөтүү боюнча стратегиялардын долбоорлорун даярдайт. Жаңы кеңешти түзүү канчалык орундуу, анын мурдагысынан кандай айырмасы бар?